Vikar Ungdoms – og diakoniarbeidar 50% stilling i Norddal sokn
På grunn av permisjon så søkjer vi etter ny medarbeidar i 50 % stilling som vikar i seks månadar. Tiltreding snarleg.
Er du glad i å møte andre menneske, interessert i kyrkja sitt arbeid for menneske i alle aldrar og livsfasar, og kan formidle kristen tru og bibelforteljingar til unge, så er dette ein jobb for deg.
Arbeidsoppgåver: Vere med i undervisinga av konfirmantar, oppfølging av trusopplæringsplanen i soknet i samarbeid med trusopplærar i Stranda, ha kontakt med barne-og ungdomsarbeidet i soknet, leggje til rette for utvida tilbod for ungdom, diakonioppgåver som besøksteneste i heimar og på institusjonar, tilrettelegge og delta på særskilde gudstenester i samarbeid med presten. Administrere eige arbeid samt følgje opp planar lokalt i samarbeid med andre tilsette.
Kompetanse:
Det er ein fordel med utdanning som diakon eller kyrkjelydspedagog, men vi godtek også anna relevant kompetanse. Dine personlege eigenskapar vert lagt vekt på, og særleg di evne til å møte menneske, arbeide sjølvstendig, samarbeide og vere fleksibel.
Du må meistre dataverktøyet, ha førarkort og disponere eigen bil, samt snakke og skrive godt norsk.
Du må vere medlem av Den norske kyrkje, og kunne legge fram politiattest på oppfordring.