Visitasen starta med besøk på Dombås barneskule, der elever på 1 og 2. trinn hadde adventsamling i Moskushallen. Takk for at vi fekk komme! "Kul tur Hjerleid" - Helle orienterte om Handverkskulen, munnharpespill før biskopen smidde seg krok i smia, laga treengel i tresalen og såg tømring i laftehallen. Dagen inneheldt også møte med ungdomsrådet, staben og rådet.
Onsdag var det møte med formannskapet, der biskopen starta med å spørje korleis er det å være menneskje i Dovre? Gudsteneste i Fredheim kapell med omlag 50 tilstades. Fredheim serverte kyrkjekaffe med snitter og kake - tusen takk! Så gardsbesøk: Først til Bjørnhild og Bjørn på Vigerust der biskopen fekk sjå mjølerobot i funksjon og ei ku "vaska" bispekorset. Besøk hjå sauane og Elin og Alf i Arnkleivsjordet - takk for kaffe! Biskopen var på "Stjernedryss" - kulturskulens forestilling - for ei forestilling og for nokre stjerner vi har!
Torsdag var det full fokus på barn og unge. Adventsamling i Dovre kyrkje med barnehage og skule - og for ein sang! Både der og i Dombås kyrkja har elevar og barnehageborn pynta med englar og stjerner. Kom og sjå! Dombås barnehage var i kyrkja på sangstund. Biskopen møtte elevar frå ungdomskulen og vidaregåande - å være ung i Dovre. Kaffemøte på heime om ungt reiseliv. Konfirmantane gjennomførte Ung ljosmesse saman med prest og organist i Dombås kyrkje. Til sist; hyggekveld for kyrkjas sine friviljuge, råd, tilsette m.fl.
Laurdagen var det to programposter. Adventskonsert i Dombås kyrkje med unge utøvere. Denne vart avrunda med ei markering for årets dåpsbarn og familier. Deretter det gode måltid med god mat fra Syria og Somalia, samt risengrynsgraut. Sang, dans og gode samtaler. Og ein glad to-åring fekk ride-ride-ranke på biskopens fang.
Søndag - visitasmesse i Dovre kyrkje. Under kyrkjekaffen heldt biskopen visitasforedrag og overleverte 8 utfordringar til råd og tilsette.