I Fusa sokn ynskjer me å gje ungdom gode opplevingar som dei kan ta med seg resten av livet. For dei aller fleste kjem desse opplevingane gjennom konfirmasjonstida, der dei er med på eit opplegg som varer frå september til mai, med leirar, gudstenester, undervising og ulike aktivitetar. Men me har òg fleire andre aktivitetar retta mot tenåringar:
- Klubben: Open klubb for alle tweens, 5.-8. klasse. På Eikelandsosen bedehus fedagar etter plan. Her er det aktivitetar, spel, kiosk, andakt, konkurransar og mykje meir som skjer. Ingen påmelding - berre kom! Meir info om Klubben får du viss du tar kontakt med kyrkjelydsmedarbeidar Eirun.
- Smågruppe: Leiartrening og litt meir "djupdykk" for dei som ynskjer litt ekstra utover det dei får i konfirmasjonstida. Gruppa er open for dei mellom 13 og 20 år, og møtest i ein heim. Her er det samtale, bøn, undervising, film der ein går djupare inn i eit tema som handlar om kristen tru og liv. Om du er interessert i meir informasjon om gruppa, ta kontakt med kyrkjelydspedagog Norunn.
- Ungdomsgudstenester: Ein gong i månaden gjennom heile skuleåret, blir det arrangert ungdomsgudstenester på Eikelandsosen bedehus, sundagar klokka 19:00. Dette er gudstenester med ein tydelegare ungdomsprofil, og har få liturgiske ledd og kortare preiker, med nattverd, bønevandring, og felles kveldsmat på slutten. Alle aldrar er velkomne til å vera med på desse, men dei er særleg tilpassa dei som er mellom 14 og 20.
I tillegg har me andre ungdomsretta enkelthendingar i løpet av året, som du kan lesa meir om under.