Fuelhkie jïh maanah Saemien gærhkoebiejjiej
Saemien gærhkoebiejjiej lea gieltegs jïh jeereldihkie programme aaj maanide jïh fuelhkide!
Dej stööremes heannadimmiej gaskem datne maanamusikaalem gaavnh Nordlyskatedralen Altan gærhkosne, maam Guovdageaidnun maanakovre åehpiedahta. Aaj soptsestimmieståante, filmevuesiehtimmie, stååkedimmie dovne gåetesne jïh ålkone, joejkemevierhkiesijjie jïh gellie jeatjah lustes darjomh sjædta. Libie såemies daejstie faalenassijste sjïehteladteme guktie maanah maehtieh oktegh meatan årrodh dejnie, mearan eejhtegh leah seminaarine åejvieprogrammesne.
Maam Alta maahta faalehtidh?
Festivaaledajve lea Altan jarngesne, jienebi fuelhkievietseles darjomigujmie eevre lihkebisnie.
Nordlysbadet – tjaebpies laavkomelaante ajve lïhkebisnie.
Bowlinghall – gaajh sjiehteles murreds fuelhkiedarjoemasse.
Stååkedimmiedajvh – göökte stååkedimmiesijjieh lïhkebisnie ålkone: akte tåarjesne, medtie vïjhte minudth vaedtsedh Nordlyskatedraleste, jïh akte rïekte katedralen ålkolen, mij aaj dejnie ellen unnemesidie sjeahta.
Gærjagåetie jïh kinove – hijven alternatijvh akten seadtoes ståantese ektesne.
Gaavnedimmiesijjie gaajhkesidie
Maahta stoerre låavthgåetiem parhkesne gærhkoen ålkolen nuhtjedh. Dïsse maehtede tjaangedh jis obre, jis sïjhtede lïegkedidh öörnemi gaskem jallh beapmoeståantem niktedh. Muvhth dejstie programmepåastijste åejvieprogrammeste sijhtieh aaj låavthgåetesne årrodh, men sæjhta åajvahkommes ræhpas tjåadtjodh goh sosijaale gaavnedimmiesijjie.
Åadtjoeh orrestimmieh
Programme maanide jïh fuelhkide sæjhta gååvnesidh daesnie goh tjaelemevietseles PDF, guktie maehtede aelhkieslaakan biejjide soejkesjidh.
Aavoedibie dijjem Altesne vuejnedh!