Maarhna Saemien gærhkoebiejjiej 2025
Saemien gærhkoebiejjiej ruffien 27. – 29.b. sæjhta jielije jïh gellielaaketje maarhna årrodh Nordlyskatedralen lïhke Altesne. Ruffien, bearjadahken 27. b. jïh laavadahken 28.b. ruffien gaajhkesh mah gærhkoebiejjine jïh voenges årrojh maehtieh gelliesåarhts voenges beapmoem, saemien vætnoem jïh hammoedimmiem Saepmeste dååjredh.
Daesnie maahtah aerpievuekien jïh daajbaaletje vætnoeh kraanskodh, beapmoem lïhkebistie niktedh jïh meatan årrodh ektievoetesne. Maarhna ræhpas gaajhkesidie, mejtie leah jïjtjemdh Saemien gærhkoebiejjide sïjsebïeljelamme, jallh ajve sïjhth aajmoem dååjredh.
Beapmoe dajveste – Smaahke Saepmeste
Mijjieh vaajtelibie dovne guessieh jïh voenges årrojh edtjieh åadtjodh voenges beapmoem Alteste jïh lïhkes dajvijste dååjredh, jïh dan åvteste beapmoeprodusenth Noerhte-Romseste, Sisnjelds Finnmarhkeste, Jillie-Finnmarhkeste jïh Luvlie-Finnmarhkeste bööredibie meatan årrodh.
Doekh dov dorjesh jieniebidie åestijidie! Dah mah meatan Saemien gærhkoebiejjine åajvahkommes Nöörjeste, Sveerjeste jïh Soemeste båetieh, men aaj jeatjah laantijste.
Nænnoes beapmoedååjrese: Mijjieh haestebe produsenth aaj beapmoem faalehtidh mejtie maahta sijjesne niktedh. Maahta dållepaannah låavthgåetesne gærhkoeparhkesne nuhtjedh gaskoeh Altan jarngesne, gusnie maahta beapmoem baahkedidh.
Namhtah doekemesijjie!
Saemien vætnoemaarhna – Aerpievuekie jïh innovasjovne
Maarhna edtja aaj duedtiesijjine jïh saemien hammoedimmiesijjine årrodh.
Gïeh maehtieh meatan årrodh?
- Vytnesjæjjah jïh hammoedæjjah abpe Saepmeste.
- Dorjesh mah duedtien kvaliteetemierhki nualan båetieh jallh leah jïjtjedorjeme/hammoedamme saemien vytnesjæjjeste.
- Dorjesh mah eah leah kulturelle appropriasjovne.
Namhtah doekemesijjie!
Buerie båeteme goh guessie!
Jis ih leah beapmoeprodusente jallh vytnesjæjja? Dellie datne buerie båeteme goh guessie!
Maarhna ræhpas ruffien, bearjadahken 27. jïh laavadahken 28. b., jïh sjïere dååjresem almetjigujmie, gïeligujmie jïh kultuvrigujmie ektiespïelesne faalehte. Dajve Nordlyskatedralen bïjre sæjhta gellie darjomh utnedh jïh öörneme Tåarjen, Kunstforeningen, gærjagåetien jïh Altan kinoven gåajkoe ryöhkoe.
Programme båata njoktjen! Fulkh meatan mijjen needtesæjrosne gusnie gieltegs saernieh almetji bïjre joekehts laantijste, gærhkoeseabradahki jïh aerpievuekiej bïjre åadtjoeh.
Bïevnesh vuesiehtæjjide
✅ Doekemesijjie namhtah!
✅ Vuesiehtæjjah tjuerieh jïjtsh teeltem/buertiem meatan utnedh.
✅ Maahtah jijtjemdh duedtiemaarhnese jallh voengesbeapmoemaarhnese bïeljelidh.
Tseegkeme:
- Duarstan, ruffien 26.b. iehkedsbiejjien jallh bearjadahken, ruffien 27.b. åvtelen ts. 10.00.
Ryjvestimmie
- Laavadahken, ruffien 28.b. mænngan ts. 18.00 duedtiemaarhnese, aejlegen, ruffien 29.b. mænngan tsåahka 14.00 voengesbeapmoemaarhnese.
Buerie båeteme skreejrije maarhnese mij saemien vætnoem, hammoedimmiem jïh beapmoevuekieh heevehte Altan jarngesne!