Noereprogramme Saemien gærhkoebiejjiej 2025 

Datne gaskem 16 jïh 24 jaepieh? Dellie dov lea sjïere nuepie meatan årrodh noereprogrammesne Saemien gærhkoebiejjiej – eevre namhtah! Dah mah meatan noereprogrammesne årromem jïh leahpam åadtjoeh KajsaBalto-konsertese. 

Programme vyörtegs mïeline noeride 

Noereprogramme dutnjien nuepiem vadta eadtjohkelaakan meatan årrodh gærhkoebiejjiej. Noerh sijhtieh gaskem jeatjah; 

✅ Noeregyrhkesjimmiem soejkesjidh jïh tjirrehtidh Altan gærhkosne, hearrine ektine. 

✅ Ektie appellem hööltedh Saepmien gærhkojde, gusnie bïsph Nöörjeste, Sveerjeste jïh Soemeste sijhtieh dïjrem åadtjodh jïh vaestiedidh. Appellem åehpiedehtieh aejlegsaereden galhkuvegyrhkesjimmien åvtelen. 

✅ Meatan årrodh seminaarine jïh barkoetjåanghkojne åejvieprogrammeste, nuepine teemah goerehtidh goh jaahkoe, kultuvre, musihke jïh seabradahke. 

Sosijaale sïemesvuekie jïh jearsoe mierieh 

Dah mah meatan noereprogrammesne ektesne årroeminie studeentegåetine, ajve 10 minudth vaedtsieminie Nordlyskatedraleste – gaskoeh Altan jarngesne. 

Maalestahkh: Mijjieh aeredsbeapmoem, lunsjem jïh gaskebiejjiem jïh iehkedsbeapmoem jïjtse noeretjïehtjelisnie Nordlyskatedralesne gåassoehtibie. Daesnie iktesth geerve åvtehkh sijhtieh stieresne årrodh, jïh tjïehtjele jarngine sjædta noeride. 

Sosijaale gaavnedimmiesijjieh: Noerh baahtsemem Altan gærhkose jïh stoerre låavthgåatan åadtjoeh, mah sijhtieh gaavnedimmiesijjine årrodh darjoemidie jïh ektievoetese. 

Jearsoes åvtehkh: Åvtehkh Nöörjeste, Sveerjeste jïh Soemeste sijhtieh jaksoes årrodh abpe öörnemisnie, jïh sæjhta fahkes jïjjevaeptie årrodh årromedajvesne, lissie jearsoesvoeten gaavhtan.  

Sïjsebïeljelimmie jïh man gellie sijjieh 

Mijjieh sijjiem utnebe 40 noeride, jïh bieljelimmie dorjesåvva jïjtse sïjsebïeljelimmiegoeresne. Darjoeh dam varke juktie tjirkedh datne sijjiem åadtjoeh. 

Mijjieh aavoedibie datnem buerie båeteme vaajtelidh akten skreejrije jïh sosijaale hïeljese Altesne! 

Sïjsebïeljelimmie noerh (16-24)