Sïjsebïeljelimmie maanide jïh geerve almetjidie
Sïjsebïeljelimmie noerh (16-24 jaepieh)
Öörneme Saemien gærhkoebiejjieh 2025 leah namhtah gaajhkesidie, bielelen Kajsa Balton konserte.
Mijjieh læjhkan gaajhkesidie birrebe jïjtjemse registreeredh sïjsebïeljelimmiesvaalhtesen tjïrrh, guktie bijjieguvviem åadtjobe dej bijjeli mah meatan. Daate mijjem viehkehte soejkesjidh dan hijvenlaakan gåarede gaajhkesidie.
Sïjsebïeljelimmie svaalhtesen tjïrrh Kajsa Balton konserten åasah leah:
NAMHTAH maanide jïh noeride (0-24 jaepieh)
150 NOK geerve almetjh (25 jaepieh+)
Sïjsebïeljelimmien namhtah/ leahpam oksesne åasta Kajsa Balton konserten åasa leah:
150 NOK maanide jïh noeride (0-24 jaepieh)
300 NOK geerve almetjh (25 jaepieh+)
Gie Saemien gærhkoebiejjiej ulmiedåehkie?
Saemien gærhkoebiejjieh leah uvtemes saemien årroejidie abpe Saepmesne, jïh vihkeles gaavnedimmiesijjine sjædta gusnie almetjh joekehts duekiejgujmie jïh jaahkoevuekiejgujmie tjåanghkenieh jïh dååjrehtimmieh juekieh jïh ektievoetem nænnoestieh.
Öörnemen lea jïjtse noereprogramme, dan åvteste Saemien gærhkoebiejjieh leah vihkeles gaavnedimmiesijjie saemien noeride. Daesnie noerh nuepiem åadtjoeh jaahkoem jïh kultuvrem kraanskodh jïemmehkigujmie aktene skreejrije jïh feerhmeles byjresisnie. Mijjieh aaj stoerre leavloem bïejebe maanafuelhkide sjïehteladtedh, darjomigujmie jïh dååjresigujmie guktie gærhkoebiejjine årrodh mïelem vadta dovne smaave jïh stoerre almetjidie.
Lissine Saemien gærhkoebiejjieh faagealmetjh jïh akademihkerh nuhtjieh mah saemien – jïh aalkoeåålmegegyhtjelassigujmie berkieh. Öörneme aaj voenges årrojh jïh jeatjah ïedtjeladtjh buerie båeteme vaajtele, gïeh tjetskehke saemien kultuvrese jïh gærhkoen råållese seabradahkesne.
Saemien gærhkoebiejjieh aaj areenah tjirkijidie ovmessie gyrhkeles organisasjovnijste, jeatjah gærhkoeseabradahkijste jïh seabradahkeaktöörijste. Laavenjostoen jïh dååjrehtimmiejuekemen tjïrrh ektievoete jïh goerkese ovmessie aerpievuekiej jïh faagesuerkiej dåaresth veaksahkåbpoe sjidtieh.