Vuesiehtimmieh

Göökte gieltegs tjeahpoevuesiehtimmieh Saemien gærhkoebiejjine Altesne, gusnie saemien kultuvre, gærhkoejielede jïh histovrije leah jarngesne.

Anna–Stina Svakko 

Anna-Stina Svakko reakadi 1967. Dïhte Porjusisnie årroeminie Saepmien sveerjen bielesne. Dïhte mïestereprieviem myövhkes duedtesne veelti 1991, jïh elliestijjen duedtine barka sov sïeltesne Astu Design. Anna-Stina uvtemes gaptah gååre, men aaj hammoedimmiebarkoem teatere- jïh artistegaarvoej sisnjeli dorje. Tekstijletjeahpoe, lohkehtimmieh jïh kuvsjh leah aaj bielieh barkoste altese sïelten sisnjelen. 

Saemien gærhkoetekstijle lea naakede mejnie lea barkeme gellie jaepieh. Dïhte tjeahpoeåvtehke prosjektese Girkugiisa mij vuesiehtimmiem åtna saemien gærhkoebiejjiej 2025.  

 

Girkogiisá - Saemien gærhkoetjeahpoe jïh tekstijle 

Vuesiehtimmie Girkogiisá tekstijlh jïh dorjesh saemien ektiedimmine jïh vuekine åehpiedahta, mah leah vïedteldihkie gærhkoejieliedasse Saepmien sveerjen bielesne. Kurateereme Anna-Stina Svakkoste, vuesiehtimmie sjïere daajroem vadta saemien vætnoen jïh aerpievuekiej bïjre gyrhkeles ektiedimmesne. 

 

Rïhpestimmie: Bearjadahken, ruffien 27. b. ts. 10.00  

Sijjie: Tjeahpoesiebrien lokaalh, Altan jarnge  

Rïhpestæjja: May Bente Jönsson, Saemien gærhkoeraerien åejvie 

Vuesiehtimmie aaj vïedteldihkie seminaarese Girkogiisá, mij lea Nordlyskatedralesne laavadahken, ruffien 28.b. 

  

 

 

Per Ivar Somby 

Per Ivar Somby voestegistie Alteste båata, men daelie Romsesne orre. Dej minngemes jaepiej lea båeries tjeehpesveelkes guvvieh saemien byjresijstie klaeriedamme, åajvahkommes guvvieh 1800-låhkoste jïh aareh 1900-låhkoen. Dïhte vuesiehtimmieh daejstie guvvijste Nöörjesne jïh Sveerjesne åtna, jïh aaj sov guvvieh vuesehte sov sosijaale medijakanaali tjïrrh. Maahta Sombyn guvvieh rïekte destie åestedh.   

 

Histovrije klaeriej tjïrrh 

Tjiehpiedæjja Per Ivar Somby orre jieledem båeries guvviej sïjse bussie klaeriedimmien jïh histovrijesoptsestimmien tjirrh. Altese tjeahpoe mijjem åvtetje aejkien bïjre måjhtajahta jïh mijjese orre vuajnoem saemien histovrijasse jïh identiteetese vadta. 

Rïhpestimmie: Bearjadahken, ruffien 27. b. ts. 11.00  

Sijjie: Tåarje, Altan jarnge 

Rïhpestæjja: May Bente Jönsson, Saemien gærhkoeraerien åejvie  

Rïhpestimmiehåalome: Per Ivar Somby sæjhta jïjtje sov vuesiehtimmiem jïh barkoem åehpiedehtedh.  

 

Vuesiehtimmie sæjhta tåarjesne Altan jarngesne tjåadtjodh laavenjostosne Altan tjïeltine, jïh sæjhta ræhpas årrodh mïetsken minngiegietjien raajan. 

 

Buerie båeteme göökte skreejrije vuesiehtimmide mah saemien tjeahpoem, histovrijem jïh aerpievuekiem åvtese lutnjieh!  

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"