Säämi kirkkopeeivij 2025 markkâneh
Säämi kirkkopeeivij ääigi 27.–29. kesimáánu Alta Nordlyskatedralen ohtâvuotân ceggejuvvoo iälláás já maaŋgâpiälásâš markkânšiljo. Vástuppeeivi 27. já lávurduv 28. kesimáánu sehe kirkkopeeivij uásálisteeh já páiháliih pyehtih feeriđ stuorrâ valjiittâs páihálii purrâmuš, säämi kietâtyeje já Säämi design-pyevtittâsâid.
Markkânijn peesah uápásmiđ sehe ärbivuovvijd já uđđâáigásáid kietâtuojijd, navdâšiđ páihálii purrâmušâst já uásálistiđ ulmui iälláás siärván. Markkâneh láá áávus puohháid sorjohánnáá tast, lah-uv almottâm uásálistiđ Säämi kirkkopeivijd vâi halijdah-uv mudoi peri feeriđ markkântubdâmušâid.
Kuávlu purrâmušah – Smakkâpittááh Säämist
Mij tuáivup, ete sehe Altan mađhâšeijeeh já páiháliih peesih feeriđ páihálii purrâmuš Altast já aldakuávluin, já avžuuttep tondiet purrâmušpyevtitteijeid Tave-Romssaast ja Finnmarkist uásálistiđ.
Vyebdi jieijâd pyevtittâsâid vijđes aalmugân! Säämi kirkkopeeivij uásálisteeh puátih enâmustáá Taažâst, Ruotâst já Suomâst, mutâ meiddei eres riijkâin.
Kilelis purâdemfeerim: Mij avžuuttep pyevtitteijeid meiddei faallâđ purrâmuš, mon puáhtá navdâšiđ ton saajeest. Alta kuávdáá kirkkomuorâstuv kuáđist tullâsoojij alne hiäŋgájeh stuorrâ passeempáánuh, moiguin puáhtá lieggiđ purrâmuš.
Vyebdimsajeh láá nuuvtá!
Säämi kietâtyejimarkkâneh – Ärbivyehi já uđâsvuotâ
Markkâneh tuáimih meiddei säämi kietâtyeje já sämmilii designpyevtittâsâi čájáttâssaijeen. Mij avžuuttep sehe ärbivuáválijd pyevtitteijeid já uđđâáigásijd hämmejeijeid uásálistiđ, vâi markkâneh ovdâstiččii historjálijd já kreativlijd olgospyehtimijd já meiddei sämmilii kietâtyejitaiđuu.
Kiäh pyehtih uásálistiđ?
- Kietâtyejičeepih já hämmejeijeeh oles Säämist.
- Vyebdeeh, kiäi pyevtittâsah láá finnim duodji (kietâtyeje) kvalitetmeerhâ tâi láá jo-uv jieš rahtum tâi sämmilii pyevtitteijee hammim.
- Vyebdeeh, kiäi pyevtittâsah iä oovdâst kulttuurlii omâstâllâm.
Vyebdimsajeh láá nuuvtá!
Tiervâpuáttim kolliđ!
Jieh-uv vyebdi purrâmuš tâi kietâtyeje? Ton tábáhtusâst mij tuáivuttep tuu tiervâpuátimin kolliđ!
Markkâneh láá áávus vástuppeeivi 27. já lávurduv 28. kesimáánu já pyehtih mieldis áinoošlajâsii máhđulâšvuođâ feeriđ ulmuid, kielâid, ärbivuovijd já kulttuurijd oovtâst. Nordlyskatedralen pirâsteijee kuávlu lii tievâ eellim, ko tábáhtus olá torin, Kunstforeningen-taaiđâseervi vistijd, kirjeráájun já Alta elleekoveteatterân.
Mij almostittep ohjelm njuhčâmáánust!Pisottâl äigitääsist čuávumáin uđđâsijd mii viermisiijđoin uásálistein sierâ riijkâin, kirkkosiärvusijn já ärbivuovijn.
Tiäđuh vyebdeid
✅ Vyebdimsajeh láá nuuvtá!
✅ Vyebdeeh kalgeh pyehtiđ jieijâs telta/peevdi.
✅ Puávtáh uásálistiđ jo-uv kietâtyejimarkkânáid tâi páihálâšpurrâmušmarkkânáid.
Vyebdimsoojijd kalga ceggiđ:
- Ehidispeeivi tuorâstuv 26. tâi ovdil tme 10 vástuppeeivi 27. kesimáánu.
Vyebdimsoojijd kalga čurgiđ:
- Kietâtyejimarkkânijn tme 18 maŋa lávurduv 28. peeivi tâi páihálâšpurrâmušmarkkânijn tme 14 maŋa pasepeeivi 29. kesimáánu.
Tiervâpuáttim movtijdittee markkânáid juhlođ sämmilii kietâtyeje, design-pyevtittâsâid já purrâmušärbivuovijd Alta váimusist!