Säämi kirkkopeeivij nuorâiohjelm 2025
Lah-uv tun 16–24-ihásâš? Talle tunjin lii fáállun áinoošlajâsâš máhđulâšvuotâ uásálistiđ Säämi kirkkopeeivij nuorâiohjelmân – aaibâs mávsuttáá! Nuorâiohjelm uásálisteeh ääsih já peesih nuuvtá Kajsa Balto konsertân.
Merhâšeijee ohjelm nuorâ uásiväldeid
Nuorâiohjelm peht tun peesah aktiivlávt vaiguttiđ kirkkopeeivijn. Uásálisteeh eereeb iärrás:
✅ Vuávájeh já uárnejeh nuorâi immeelpalvâlus Alta kirhoost oovtâst pappáin.
✅ Rähtih ohtâsii avžuuttâs Säämi kirhoid, mii adeluvvoo Taažâ, Ruotâ já Suomâ pispijd västidemnáál. Avžuuttâs adeluvvoo pasepeivi-iđedist ovdil loppâimmeelpalvâlus.
✅ Uásálisteh válduohjelm seminaaráid já pargopáájáid, main puáhtá vuájudâttâđ om. osko, kulttuur, muusik já siärváduv fáddáid.
Sosiaallâš ohtâlâsvuotâ já torvolâš piirâs
Nuorâiohjelm uásálisteeh ijjâdeh oovtâst uáppeeviistijn tuše love miinut väzzim keččin Nordlyskatedralenist – Alta kuávdáá váimusist.
Purâdem: Iiđeedpurrâmâš, peivimäälis, eehidpurrâmâš já ehidispittá fállojeh Nordlyskatedralen nuorâivisteest. Tobbeen láá ain mield rävisulmuuh, já viste tuáimá uásálistei toorjâsaijeen.
Sosiaalliih teivâdemsajeh: Nuorâin lii piäsu Alta kiirkon já stuorrâ kuátán, moh tuáimih tooimâi já siärvus čokkânemsaijeen.
Lyetittettee jođetteijeeh: Jođetteijeeh Taažâst, Ruotâst já Suomâst láá oles tábáhtus ääigi fattiimist, já aassâmkuávlust lii ijjâvahtâ lasseetmin torvolâšvuođâ.
Almottâttâm já sajeh
Nuorâiohjelmist lii saje 40 uásálistei, já uásálistem almottuvvoo sierâ luámáttuvváin. Almottât tooláá vâi finniih saje vissásávt!
Mij vyerdip iloin, ete pyehtip tuáivuttiđ tuu tiervâpuátimin Altan viettiđ movtijdittee já sosiaallii oholoopâ!