Ohjelm pärniperruid Säämi kirkkopeeivijn
Säämi kirkkopeeivih fäälih meiddei pärniperruid kiäsutteijee já maaŋgâpiälálii ohjelm! Uási täin láá vuávájum nuuvt, ete párnááh uásálisteh ohtuu ton ääigi, ko vanhimeh kuldâleh válduohjelm seminaar.
Mii Altast lii fáállun?
Festivaalpiirâs lii kuávdášlii saajeest Altast, kost lii uánihis mätki maŋgâ pärniperruid heivejeijee tooimân.
Nordlysbadet – fiijnâ lávguttâh väzzimmääđhi keččin.
Šluubbukhalli – hiäivulâš suotâs peerâtoimáid.
Sierâdemsajeh – alda láá kyehti olgoáimusierâdemsaje: ohtâ torist suullân viiđâ miinut väzzimmääđhi keččin Nordlyskatedralenist já nubbe eidu katedraal ooleest, mii heivee ucemuid.
Kirjerááju já elleekoveh – suotâs muulsâiävtuh rávhálii ohtâsii puudâ várás.
Teivâdemsaje puohháid
Mij ceggip stuorrâ kuáđi kirkkomuorâstâhân. Teehi puáhtá puáttiđ arvesuáján, vuoiŋâstiđ tábáhtusâi kooskâst tâi herskustâllâđ purâdempuudâ ääigi. Uási válduohjelmist tábáhtuvá kuáđist, mutâ taat šadda leđe enâmustáá ávus teivâdemsaje.
Piso ääigi tääsist
Pärniperrui ohjelm lii finniimist taan siijđost PDF-häämist, vâi pyehtivetteđ vuáváđ älkkeht, maid porgâvetteđ jyehi peeivi.
Mij lep iiloost ko puátivetteđ Altan!