Sáme girkkobiejvij 2025 márnána
Sáme girkkobiejvij 27.-29. bietse de tsieggidip viesso ja moattebelak márnánijt Áltá Nordlyskatedrála guorraj. Bierjjedagá 27. ja lávvodagá 28. bietse de goappátjagá girkkobiejvij oassálasste ja bájkálattja bessi muossádittjat valjev bájkálasj biebmojs, duojes ja Sámeednama disájnnabuktagijs.
Márnánijn oahpástuvá goappátjagá árbe ja ådåájge duojijda, bårå bájkálasj ájvvanijt ja sebra mådde fuovvaj. Márnána li nåvkå gájkajda váni jerudalák le gus diededam oassálasstemistát Sáme girkkobiejvijda jali sidá gus nåk birrasav muossádit.
Biebmo bájkes – Muoso Sámeednamis
Doajvvop goappátjagá bájkkáj boahtte ja bájken årro máhtti gähttjalit bájkálasj biebmov Áltás ja lahkusis, manen ávttjip biebbmobuvtadiddjijt Nuortta-Råmsås ja Finnmárkos sebratjit.
Vuobde buktagijdát stuorra fuovvaj! Sáme girkkobiejvij oassálasste båhti ienemusát Vuonas, Svierigis ja Suomas, valla adjáj ietjá lándajs.
Bisodahtte bårådibme: Ávttjip buvtadiddjijt adjáj fálatjit biebmojt, maha li bájken návddahahtte. Áltá guovdo girkkopárka låvdagoaden gahtsahi stuorra dållåsjtáttjo, majn biebmov lieggi.
Márnánbievde li nåvkå!
Duodjemárnána – árbev ja ådåsav
Márnána doajmmi adjáj duoje ja sáme disájnnabargo vuosádahkan. Ávttjip goappátjagá árbe buvtadiddjijt ja ådåájge hábbmárijt sebratjit, vaj márnána lulun åvdåstit histåvrå ja aj sjuggelis moallánagájt ja aj sáme duodjedájdav.
Gudi lulun säbrrat?
- Gájka Sámeednama duodjára ja hábbmára.
- Oasestiddje, gejt buktaga li oadtjum duoje kvalitähttamerkav jali li juogu iesj dahkam jali sáme buvtadiddje hábbmim
- Oasestiddje, gej buktaga e åvdåsta kultuvra åmastimev.
Márnánbievde li nåvkå!
Buorisboahtem manádittjat!
I gus vuobde biebmojt jali ga duojijt? De ham de sávvap buorisboahtem manádittjat!
Márnána li rahppot bierjjedagá 27. ja lávvodagá 28. bietse ja bukti sierra lágásj máhttelisvuodav gulátjit ulmutjijt, gielajt, árbijt ja kultuvrajt aktan. Dajvva Nordlyskatedrála birra le viesso ja ällá, gå dáhpádus jåkså toarjjaj, Kunstforeningen-dájddasiebre huodnahijda, girjjevuorkkáj ja Áltá filmmavuosádahkaj.
Almodip prográmmav sjnjuvtja! Guorada värmádahkabielijnimme ådåsamos ådåsijt oassálasstijs ietjá lándajs, girkkosebrudagájs ja árbijs.
Diedo vuobddijda
✅ Márnánbievde li nåvkå!
✅ Oasestiddje hähttu ietjas teltav/bievdev fáron válldet.
✅ Máhtá säbrrat juogu duodjemárnánijda jali bájkkebiebbmomárnánijda.
Bievdijt viertti tsieggit:
- Iehketbiejve duorastagá 26. jali 10:e åvddåla bierjjedagá 27. bietse.
Bievdijt viertti sjallit:
- Duodjemárnánijn 18:e maŋŋela lávvodagá 28. jali bájkkebiebbmomárnánijt 14:e maŋŋela ájllega 29. bietse.
Buorisboahtem arvusmahtte márnánijda ávvudittjat duojev, sáme disájnnabuktagijt ja biebbmoárbijt Áltá gassko!