Sáme girkkobiejvij nuorajprográmma 2025
Le gus 16-24-jagák? De ham le dunji fálon sierra lágásj máhttelisvuohta oassálastátjit Sáme girkkobiejvij nuorajprográmmaj – váni mávsek! Nuorajprográmma oassálasste årru ja bessi Kajsa Balto konsärttaj nåvkå.
Árvvogis prográmma nuorra oassálasstijda
Nuorajprográmma baktu besa dåjmalattjat bájnátjit girkkobiejvijt. Oassálasste duola dagu:
✅ Guovlodi ja hásadi nuorajjubmeldievnastusáv Áltá girkkon aktan härrájn.
✅ Bukti aktisasj alodimev Sámeednama girkkojda, mavva vaddi biskåhpajda Vuonas, Svierigis ja Suomas vásstedittjat. Alodimev låhki ájllekideda häjttojubmeldievnastusá åvddåla.
✅ Oassálassti oajvveprográmma seminárajda barggomillojda, gånnå máhtti tjiegŋodit tiemájda dagu jáhkko, kultuvrra, musijkka ja sebrudahka.
Sosiála aktavuohta ja jasskis birás
Nuorajprográmma oassálasstijt årodahttep säbrrálakkoj studänntaårruhattjajda nåk låge minuvta vádtsusa duobbelattjan Nordlyskatedrálas – Áltá guovdo gassko.
Biebmo: Idedisbiebmojt, svarkajt, mállásijt ja iehkedisbiebmojt bårråp Nordlyskatedrála nuorajhuodnahin. Dáppen li agev ållessjattuga, ja huonaj doajmma oassálasstij oaggen.
Sosiála äjvvalagá: Nuora bessi Áltá girkkuj ja stuorra låvdagoahtáj, maha li dåjmaj ja aktavuoda tjåhkanimsadjen.
Luohtedahtte oajve: Gätjo dáhpádusán li oajve Vuonas, Svierigis ja Suomas jåvsådahtte, ja årudagán le idjagáhttár jasskavuoda duodden.
Diededibme ja saje
Nuorajprográmman le sadje 40 oassálasstáj, ja oassálasstemis diedet sierra tjáledime baktu. Diededa val oassálastátjit árrat sajev oattjotjit!
Ávvudip duvva sávatjit buorisboahtem Áltán gålådittjat arvusmahtte ja sosiála vahkkogietjev!