Vuosádusá

Sáme girkkobiejvij li Áltán rahppot guokta miellagiddis dájddavuosádusá, maj guovddelin le sáme kultuvrra, girkkoiellem ja histåvrrå.

Anna–Stina Svakko 

Anna-Stina Svakko riegádij jagen 1967 ja årru Svieriga biele Bårjjåsin. 

Dibmaduoje mastergrádav ållij jagen 1991 ja barggá ålles ájgen ietjas Astu Design -vidnudagán. Anna-Stina gårru ienemusát gáptijt, valla dahká aj hábbmimbarggon teáhtar- ja artisstagárvojt. Tujggadájdda, lågådallat ja kurssidit li aj suv ámmátbargo biele. 

Sáme girkkotujgajgum le barggam juo moadda jage, ja le Girkugiisa-prosjevta dájddaoajvve, mavva buktep vuosádussaj jage 2025:á Sáme girkkobiejvijda.   

 

Girkkogijssá – Sáme girkkodájdda ja -tujga  

Girkkogijssá-vuosádusán gehtjadahtti tujga ja buktaga, maha subtsasti aktijvuodas Svieriga biele girkkoiellemij. Anna-Stina Svakko kuraterimbargo vuosádus buktá sierra lágásj vuojnov duodjáj ja sáme árbbáj girkko aktijvuodan.  

Goassa: Bierjjedagá 27. bietse 10.00.  

Gånnå: Guovdon Áltá dájddasiebre huodnahijn.  

Guhti: May Bente Jönsson, Vuona sáme girkkoráde oajvve. 

Vuosádusá aktijvuodan le aj Girkkogijssá-seminárra Nordlyskatedrálan lávvodagá 28. bietse. 

 

 

 

Per Ivar Somby 

Per Ivar Somby le álgos Áltás, valla dálla Råmsån årru. Maŋemus jagijt le bájnnám dålusj tjáhppisvielggis gåvåjt sáme birrasijs, ienemusát gåvåjt 1800-lågojs ja árra 1900-lågojs. Sådnå vuosádallá dájt gåvåjt Vuonan ja Svierigin ja adjáj sosiála medijáj baktu gåvåjdis vuoset. Sombya gåvå li sujsta njuolgga oastedahtte  

 

Histåvråv bájnoj tjadá  

Dájddár Per Ivar Somby dålusj gåvåjt älládahttá bájne ja subtsasta dáj duogátjis. Suv dájdda mijáv mujttádahttá gållåm ájgijs ja buktá ådå vuojnov sáme histåvrås ja identitehtas.  

Goassa: Bierjjedagá 27. bietse 11.00.  

Gånnå: Torget, Áltá guovddotårjan. 

Guhti: May Bente Jönsson, Vuona sáme girkkoráde oajvve 

Álggolågådallam: Per Ivar Somby giehttu iesj vuosádusástis ja bargostis.  

 

Vuosádusáv buktep vähkkálakkoj Áltá suohkanijn, ja dahta bissu tårjan bårge gähtjáj.  

  

Buorisboahtem guossidittjat guokta arvusmahtte vuosádusá, maha vuosádalli sáme dájdav, histåvråv ja árbev.  

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"