Teâđ Sääʹm ceerkavpeeiʹvi pirr
Tuâǥǥaž
Sääʹm ceerkavpeeiʹvid rieʹššeš vuõss vuâra eeʹjj 2004, da šõddmõõžž täävtõssân leäi altteed säʹmmlai õhttsaž ceerkavšõddmõõžž. Teʹl leäi vääžnai, što säʹmmla jiijj plaanee šõddmõõžžid da što säʹmmlai jeeʹresnallšem äʹrbbvuõđ õhttneeʹl ceerkva da risttviõrru leʹjje mieʹldd Ruõcc, Taar da Lääʹddjânnam evaŋkeel-luteerlaž ceerkvi vueʹssen. Sääʹm ceerkavpeeiʹvi õhttsažtuâjj šõõddi veerǥliʹžžen eeʹjj 2009 Aanar suåppmõõžžin, da mâʹŋŋlest Lääʹddjânnam ortodookslaž ceerkav lij še puättam mieʹldd plaaneed da riâššâd šõddmõõžž.
Sääʹm ceerkavpeeiʹv 2025
Ääʹveempodd
Eeʹjj 2025 Sääʹm ceerkavpeeiʹvid ääʹveet veerǥlânji ääʹveemsluuʹžvest piâtnâc sueiʹnnmannu 27. peeiʹv nuʹtt kõskkpeeiʹv ääiʹj. Ouddâl tän vuäitt vuäʹstted kõskkpeiʹvvporrmõõžž porrmõškaaupin leʹbe pävvrõõššâd jiõčč tollsââʹjest, kååʹtt lij ceerkav paaldâst. Ââlda lie še mäŋgg kaaʹffpõrttâd.
Mäŋggaz maatkče kuʹǩǩen da puäʹtte juʹn oouʹdab peeiʹv, leʹbe neljdpeeiʹv sueiʹnnmannu 26. peeiʹv. Sääʹm ceerkavsuåvtõs hoʹzjeʹnsââšš kooum jânnam säʹmmlai suåvtõõzzi õhttsaž såbbrest. Nuõri programm älgg neljdpeiʹvvjeäʹǩǩespeeiʹv, da tän peeiʹv lij še pukid äävas jeäʹǩǩes-sluuʹžv. Nuʹt neljdpeeiʹv jeäʹǩǩespeeiʹv ko še piâtnâctueʹlää ǩiõrggan puârast såbbrõõššâd.
Teâđ prograammâst
Piâtnâc sueiʹnnmannu 27. peeiʹv lij ääʹveemsluuʹžv čiâss 13.00. Tueʹlespeeiʹv ouddâl sluuʹžv ääʹveet kueʹhtt miõllǩieʹssi čuäjtõõzz, koid nuʹt vuässõõtti ko še pääikla peäʹsse ǩiiččeed. Tän peeiʹv vuäitak kuvddled miõllǩieʹssi seminaarid, ouddmiârkkân ”Holyness of lands”, vueiʹnned jieʹllikaart ”Mer enn bare gjell”, seuʹrrjed seminaar kulttuurääʹrb maacctummšest di kuvddled saǥstõõllmõõžž juõiggmest da virssläullmest. Jeäʹǩǩää riâžžât virssjeäʹǩǩää da konseeʹrt, da puk, kook haaʹlee, vuäiʹtte mõõnnâd kõskkiinn sloožva, koon sluužât åuggan.
Sueʹvet älgg ortodookslaž tueʹles-sluuʹžvin da juätkkai miõllǩieʹssi väʹlddseminaarin, koʹst Mari Valjakka (Lääʹddjânnam), Lovisa Mienna Sjöberg (Taarr) da Kaisa Huuva (Ruõcc) saǥstâʹlle puuʹteeʹl jiijjâz tuâǥǥa ouʹdde tuõttvuõʹtte da suåvâdvuõʹtte õhttneei tuâjast, koon ceerkav âlgg tuejjeed ooudâs. Seämma peeiʹv lie taʹrjjeemnalla jäänab miõllǩieʹssi seminaar, ouddmiârkkân ǩiõtt-tuâjast ceerkav ââʹnnem vääras, sääʹm-musiikkâst ceerkav suåvâdvuõtt-tuâjjan, da õinn tääʹrǩes saǥstõõllmõš tõʹst, mäʹhtt ceerkav da pääiklaž õutstõs tuejjee õhttsažtuâj vuâsttlâʹsttem diõtt vââʹj da rasiism. Alggjeäʹǩǩiʹžže plaaneep jeäʹrben siõm päärnaid suåppi maainâspoodd riâššmõõžž. Jeäʹǩǩääž poott konsertta.
Pâʹsspeeiʹv nuõrileeir vuässõõtti poʹhtte aalǥâst ouʹdde sij auʹǯǯjummuž ceerkav jååʹđteeʹjid. De lij äiʹǧǧ võl saǥstõõllâd leʹbe kõʹllʼjed čuäjtõõzzin ouddâl ko ceerkavpeeiʹv poʹtte sloožva. Tõn õhttvuõđâst seʹrddep veerǥlânji Sääʹm ceerkavpeeiʹvi riâššâmvasttõõzz Ruõcc ceerkva.
Aanar suåppmõõžž pirr
Sääʹm ceerkavpeeiʹvi õhttsažtuâjast šiõtteet Aanar suåppmõõžžâst. Tuejjiim suåppmõõžž eeʹjj 2009, ko riâžžim nuuʹbb vuâra Sääʹm ceerkavpeeiʹvid. Suåppmõõžžâst šiõtteet jeäʹrbi mieʹldd, mii lij sääʹm ceerkavpeeiʹvi täävtõs, mäʹhtt vasttõõzz jueʹjjet da mäʹhtt ceerkavpeeiʹvi riâššmõõžž viiǥǥât čõõđ. Suåppmõõžž leät mottam mõõnni vuâra eeʹjj 2019, da tõt lij lookkâmnalla tâʹvvsääʹm-, ruõcc- di lääʹddǩiõʹlle.