Målet er inspirasjon, motivasjon og påfyll for å kome heim med ny glød for ungdomsarbeidet i kyrkja. Det vil vere samlingar med mykje sang og musikk, felleskap, føredrag, seminar, lovsong og gudsteneste. Gjennom desse opplevingane vil vi også lære meir om korleis vi kan bli endå betre ungdomsleiarar. Men ikkje minst får vi møte, og bli kjent med, folk frå andre kyrkjelydar.
I løpet av helga held vi også Ungdomsting i Bjørgvin. Der vil det nye Ungdomsrådet bli valde, og vi skal jobbe fram ei kjernesak som er viktig for ungdom i Bjørgvin. Dette skal ungdomsrådet jobbe vidare med i 2020.
Delegatar til Ungdomstinget må vere mellom 15 og 30 år, utsendt av menighetsråd/sokneråd. Sokn med meir enn 10.000 medlemer, kan sende ein ekstra delegat pr. 5000 medlemer. Det betyr at sokna kan sende så mange dei vil på Veikryss, men berre nokre få ha stemmerett på Ungdomstinget. Om nokon ønskjer å stille til val til Ungdomsrådet, send epost til ah487@kirken.no.
Veikryss 2020 blir arrangert 6-8. mars i Bergen. Overnatting skjer på Montana Vandrehjem, men mestparten av programmet skjer i Landås kirke og Ulriken bydelshus.
På Veikryss får du:
— Bli kjent med ungdom frå andre kyrkjelydar
— Workshops
— Felleskap i musikk og lovsang
— Dele erfaringar frå ungdomsarbeid med andre
— Delta på spennande seminar med gode seminarhaldarar.
Rammer for programmet :
Overnatting på Montana Vandrerhjem Bergen, Johan Blytts vei 30 . 5096 Bergen - Buss nr 12 fra Bergen Sentrum
Innsjekk kl 1730, Middag kl 1800, og så går vi ned til Landås kirke for opningsskvelden.
Vi avsluttar med gudsteneste i Landås kirke på søndag, dvs ferdig ca 1300.
Pris inklusiv overnatting og mat, kr 600 for første deltakar, deretter kr 400 pr deltakar frå kyrkjelyd. - Gå saman og søk soknerådet/menighetsrådet om støtte, og få nokon på kontoret til å melda på som gruppepåmelding.
Vi ønskjer at flest mogeleg søv på Montana og har difor same pris for alle.
Påmelding jo før jo heller! Sjå lenke til påmelding nedst på sida. Der finn du også ei lenke til ein reportasje frå Veikryss 2019.