Sjå alle sakene til behandling i Møre bispedømeråd
Det nye bispedømerådet 2020-2024 er samla over to dagar, torsdag 23. til fredag 24. januar. Under møtedagane får rådet ein presentasjon av verksemda ved bispedømekontoret og medarbeidarane der. Rådet skal også gjennom ein opplæringsbolk med følgjande tema:
- Bispedømerådets rolle, ansvar, funksjon og oppgåver
- Forholdet mellom bispedømeråd og biskop
- Bispedømerådet som arbeidsgivar: personalreglement, tilsetting, saksbehandling
Under den ordinære sakshandsaminga skal rådet avgjere tilsettingssakene:
- sokneprest i Indre Romsdal prosti med Tresfjord og Vike sokn som særleg tenestestad.
- kapellan i Molde domprosti med Vågøy og Myrbostad sokn som særleg tenestestad.
Rådet skal vidare drøfte rekruttering til kyrkjelege stillingar i Møre bispedøme, ta stilling til godtgjersle for medlemane i rådet og fastsette delegasjonsreglementet for Møre bispedøme. Rådet skal også gjere oppnemningar til utval og råd, som: Kirkens SOS, Kirkens Nødhjelp, Kirkens Bymisjon, IKO og Åkerlehaugen. I tillegg skal bispedømerådet nominere kandidatar til sentralkyrkjelege råd, gjere komitefordeling til kyrkjemøtet og fastsetje møteplan for 2020.