Ny kyrkjeleg organisering - høyringsfråsegn frå Møre bispedømmeråd
Bispedømerådet meiner at på nokre område vil etablering av prostifellesråd skape meir dynamikk og betre løysingar enn fellesrådsstrukturen. Særleg vil prostifellesrådet bidra til at innføring av ei sams arbeidsgivarlinje kan realiserast.
Bispedømmerådet er likevel skeptisk og tvilande til om det let seg gjere å rasjonalisere og redusere talet på administrative ressursar gjennom å opprette eit nytt forvaltningsnivå. Særleg er dette utfordrande med tanke på at ein ikkje kan leggje ned samhandlingsarbeidet med den einskilde kommune.
Bispedømmerådet trur også at oppretting av eit prostifellesråd vil svekke soknet og føre til sentralisering av oppgåver og leiing til prostifellesrådet. Utfordringar knytt til demokratisk representasjon i prostifellesrådet når det er mange sokn, og ved fleire kommunar, talar også mot etablering av prostifellesråd, meiner rådet.
Bispedømmerådet si vurdering er vidare at prostifellesrådet vil føre til ei svekking av bispedømmet (biskop og bispedømmeråd) sin posisjon.
Ny kyrkjeleg organisering - høyringsfråsegn frå Møre bispedømmeråd