Som barne- og familieminister har Toppe mellom anna ansvar for tru- og livssynsfeltet. Så seint som i april i år talte ho til Kyrkjerådet. Då snakka ho varmt om kyrkjebevaring, å lytte til barn og unge og ga honnør for kyrkja sin innsats på arbeidet med dåp og bryllaup. No tek ho turen innom både domkirka og Øre kyrkje.
"Molde domkirke brukes til mange aktiviteter og tilrettelegger for kirkelige handlinger, møteplasser, kulturarrangementer med mer. Kirken har vernestatus som listeført kirke", skriv kommunikasjonsavdelinga til departementet som ein av årsakene til besøket.
Besøk, omvisning og møte i Molde domkirke er frå kl. 09. Ministeren møter biskop Ingeborg, kyrkjeverje Hans Jakob Nes, sokneprest Ståle Aklestad, domkantor Magnus M. Myhre og administrasjonsleiar Ingeborg Skagestad, samt ordførar Trygve Grydeland.
På ettermiddagen reiser Toppe til Øre kyrkje i Gjemnes kommune. Her får ho ei omvisning i den listeførte kyrkja.
Øre kyrkje. Bilete: Halvard Hatlen