Sjå video nedst i artikkelen ↓ Les meir om venskapsbispedøma i England og Ungarn
Kyrkja i Ungarn står framfor dei same utfordringane som andre kyrkjer i Europa i høve til smittesituasjonen. Høgmessa sist søndag i den lutherske kyrkja i Budafok (Budapest), vart difor halden utan heile kyrkjelyden til stades. Men gudstenesta vart overført på ungarsk fjernsyn, og blir no også delt med kyrkjelydane i Møre.
Biskopen i Nordre Bispedøme i den evangelisk-lutherske kyrkja i Ungarn, Tamás Fabiny, skriv slik i ei helsing til kyrkjelydane i Møre:
"Må vår Herre Jesu fred vere med dykk alle! Grunna pandemien er kyrkja vår nærast tom desse dagane. Men i denne tomheita kan ein likevel oppdage heile Guds fylde. Når vi ikkje kan halde nattverd på vanleg måte, veks trongen i oss etter Kristi lekam og Kristi blod. Måtte Gud bruke denne kringkasta gudstenesta slik at vi kan kjenne det kristne felleskapen over heile verda."
Tamás Fabiny er biskop i Nordre Bispedøme i den evangelisk-lutherske kyrkja i Ungarn.
Den lutherske kyrkja i Budafok (Budapest).