Prest under utdanning
Bispedømerådet har fått ein søkjar til stillinga som sokneprest i Sogn prosti med sokna Stedje og Fjærland som tenestestad. Søkjaren er under utdanning til å bli prest, og bispedømerådet gjorde difor stillinga mellombels om til ei «prest under utdanning»-stilling. Vedtaket vert gjort med atterhald om at det er Astrid Bondevik som blir tilsett i stillinga.
Det er og ei føresetnad at den som vert tilsett må levera attest frå utdanningsstaden og ein studieplan som viser at vedkommande vil kunne fullføra eit studieløp slik det er føresett i PUU (prest under utdanning) - ordninga.
Bispedømerådet vil behalda "trusopplæringa"
Bjørgvin biskop og bispedømeråd vedtok høyringssvar om ny plan for kyrkjeleg undervising og læring. I innleiinga, skriv dei at «dei er positive til at ein ser på trusopplæringa i den norske kyrkja med nye auge og ser det i ein større samanheng med kyrkjeleg undervisning og livslang læring. Vi ønskjer likevel å behalde dagens ordning og praksis med trusopplæring, basert på dokumentet “Gud gir vi deler”, og behalda det godt innarbeidde namnet “Trusopplæring” men med aldersjustering slik at det gjeld for 0-15 år.
Vi ønskjer at omgrepet “Kyrkjeleg undervisning” vert etablert for undervisning etter konfirmantalder. Vi synes at namnet skal vera “Trusopplæring og kyrkjeleg undervisning.»
Sjå lenke nedst på sida til Bjørgvin bispedømeråd sitt høyringssvar til plan for kyrkjeleg undevising og læring
Sakliste
32/23 Godkjenning av innkalling og sakliste
33/23 Godkjenning av protokoll Bjørgvin bispedømeråd 28.03.2023
34/23 Tilsetting av sokneprest i Sogn prosti - sokna Stedje og Fjærland - Handsaming i møte ikkje offentleg, jf. Offl. § 25 første ledd
35/23 Høyringssvar frå Bjørgvin - Ny plan for kirkelig undervisning og læring