Økonomisk støtte
Til val av bispedømeråd og Kyrkjemøtet skal Kyrkjerådet gje økonomisk stønad til registrerte nomineringsgrupper i form av både intensjonsstøtte og listestøtte.
Intensjonsstøtta har som formål å setja registrerte nomineringsgrupper i stand til å stilla lister i valet til bispedømeråd og Kyrkjemøtet.
Listestøtta har som formål å setja registrerte nomineringsgrupper i stand til å informere veljarane om standpunkta sine i aktuelle kyrkjelege spørsmål. Les meir om dette i kyrkjevalreglane § 6-4 (sjå lenke nedst på sida).
Registrering innan 2. januar 2023
For at ei nomineringsgruppe skal få støtte, må ho registrerast som ei nomineringsgruppe av Kyrkjerådet. Søknad om registrering må vera motteke og journalført hos Kyrkjerådet innan 2. januar 2023. Før det må nomineringsgruppa registrera seg i Einingsregisteret og dermed få tildelt eit eige organisasjonsnummer.
Saman med søknaden skal det vedleggjast:
- Opplysningar om organisasjonsnummer
- Opplysningar om kven som er valt til medlemmer i det utøvande organet i nomineringsgruppa, og som har fullmakt til å representera gruppa sentralt i saker etter regelverket
- Vedtekt som fastset kva organ i nomineringsgruppa som vel det utøvande organet i gruppa
- Erklæring frå minst 300 personar (skriftleg på papir eller scanna dokument) med stemmerett om at dei ønskjer gruppenamnet registrert. Underskriftene skal ikkje offentleggjerast.
Meir om dette, sjå kyrkjevalreglane § 6-4.
Ei gruppering kan stilla liste utan å vera registrert som nomineringsgruppe, men vil då ikkje kunna få økonomisk støtte. Meir om krav til listeforslag i kyrkjevalreglane kap. 7.
-----------------------
Kontaktperson: Jens Z. Meyer,
Meir informasjon om kyrkjevalet, sjå lenker nedst på sida.
- Vil du stilla til val?
- Om kyrkjevalet
- Info om kyrkjevalet 2019 og tidlegare – statistikk osb.