Programmet for gudstenesta finn du i lenke nedst på sida.
H.M. Kongen vil vere til tilstades denne dagen. Vigslingsgudstenesta vert leia av preses Olav Fykse Tveit, og biskopar frå dei evangelisk-lutherske kyrkjesamfunna i Norden, England og Jordan medverkar.
Dette vert ei festgudsteneste med mykje song og musikk. Dei medverkande er Bergen domkirke sitt jentekor, Bergen domkor, messingblåsarar og domkantorane Kjetil Almenning og Sigurd Øgaard. Tingingsverket "Sunniva kongsdotter" av Knut Vaage vert framført som ei gåve til biskop Ragnhild Jepsen.
Det er viktig å vere ute i god tid før denne gudstenesta. Dørene vert lukka kl. 10.30. Ein kan ikkje ha med seg store vesker.