Bibelkveld med Matteus-evangeliet

Bilete: «Ein såmann gjekk ut for å så» (Matteus 13,3). Eit bilete som eg ikkje har klart å finne kunstnaren til.

Denne hausten, hausten 2021, vil vi ha 6 samlingar på tysdagskveldar, der vi les frå Matteus-evangeliet og prøvar å komme litt nærmare inn på teksten. Ope for alle. Ta med eigen bibel!

Det vert ei innleiing ved meg, Knut Arnold Kvalsvik, og anledning til diskusjon. Kor mykje ein vil delta i diskusjonen, er sjølvsagt opp til kvar enkelt; om du vil, kan du gjerne berre nøye deg med å høyre på dei andre. Vi vil også syngje litt og be litt saman, dette er igjen opp til kvar enkelt kor mykje ein vil delta i.

Tankane som vert framlagde i innleiinga, er i stor grad henta frå boka Matthew, ei kommentarbok av Dr Anna Case-Winters, del av seria Belief: A Theological Commentary on the Bible. Innleiaren vil imidlertid føle seg fri til å også trekkje på andre ressursar.

Vi startar, passande nok, på den dagen som ifylgje primstaven er Mattismesse (om hausten), minnedagen for evangelisten og apostelen Matteus, nemleg 21. september. Dessutan er det fullmåne denne kvelden, og tida er fullmoda for å studere Matteus-evangeliet😎.

• Tidspunkt: Annankvar tysdag kl 18:30–20:30 (OBS: utsett ein halvtime ifht. tidlegare)
• Datoar: Fyrste gong 21. september, sjå tabell lenger nede.
• Stad: Solheim kyrkje, Hordagt 28. Vi vil vere på møteromet i kontor-fløya.

Vi vil starte å lese i Matteus kapittel 11, fordi vi har hatt same slags møte tidlegare semester, der vi har teke føre oss kapitla 1–10.

Som ei innleiing til møteseria kan ein opne og lese to PDF-dokument: eitt om struktur i Matteus-evangeliet, og eitt om hovudtema Desse finn ein i lenkjene nederst. Der finn ein også eit dokument frå kvar av samlingane vi alt har hatt.

Denne sida vil verte oppdatert etterkvart med fleire dokument som kan lastast ned. Her er oversikt over tekstar og emne:

Velkommen til alle interesserte!