I Knarvik kyrkje er det gudsteneste nesten kvar søndag, som oftast kl. 11. Den siste søndagen i månaden er gudstenesta kl. 19. Kveldsgudstenesta har eit litt anna uttrykk, særleg musikalsk, og nokre gongar særskilte tema.
I Alversund kyrkje er det gudsteneste kl. 11 den siste søndagen i månaden.
I Seim kyrkje er det gudsteneste kl. 11 den andre søndagen i månaden.
I Lygra kyrkje er det 5 gudstenester i året.
I løpet av året er det fleire familiegudstenester. Dette er gudstenester som ofte er knytta opp til eit trusopplæringstiltak: Utdeling av 4-årsbok, Tårnagentar og Lys Vaken.
På mange av gudstenestene er det kor, solistar og musikarar som deltek. Ofte er det kyrkjekaffi eller kyrkjekvelds etter gudstenestene.
I Tårnrommet i Knarvik kyrkje er det leiker og teiknesaker som dei yngste barna kan bruke saman med foreldre eller andre vaksne under gudstenesta. I Seim kyrkje er det leikekrok bak i kyrkjerommet.
Søndagsskule i Knarvik kyrkje
Enkelte søndagar er det eiga samling, søndagsskule, for barn (t.o.m. 2. kl.)
Alle startar i kyrkjerommet og barna går til eiga samling litt ut i gudstenesta.
