Ei husgruppe er ein stad der du kan få oppleve visjonen vår: "Nær Gud - nær menneske".
Nær Gud: Han er sentrum i den kristne trua. Ei husgruppe har fokus på Han, livet og trua, gjennom bibellesing, bøn, song og samtale.
Nær menneske: I ei husgruppe går du på ein veg saman med andre. Du får kome med din historie, tru, tvil, spørsmål og tankar. Ei husgruppe vil oppmuntre og utruste til å følgje Jesus og til å finne din plass i kyrkja.
Fleire av husgruppene har eit lite måltid i lag. Tidspunkt, opplegg og alder/kjønn/livssituasjon i gruppene varierer. Vi vil gjerne bidra til å starte nye grupper.
Ta kontakt med kyrkjekontoret/sokneprest dersom du ønsker å vere med i ei husgruppe, eller om du vil ha meir informasjon.