Meir om kurset
Det kjem til å bli arrangert 5 samlingar no i haust. Oppstart vert i september. Datoane kjem vi attende til. Kyrkjelydane kjem til å byte på å ha samlingane. Samlingane varer om lag 2- 2,5 timar, om lag ein gong i månaden.
Ei av samlingane vert kalla for MILK-laurdag. Denne dagen kjem vi til å reise på ein tur og ha eit opplegg heile dagen. Her vert det fokus på det sosiale, undervisning, teamaktivitet, god mat, etc.
Tema
På MILK kjem ein til å jobbe meir med desse tema: Samarbeid, kommunikasjon, eigenutvikling, Du og dei andre, Du og Gud, Prioritering, Mål og styring, m.m. Vi tek og sikte på å få med oss flinke undervisarar som skal dele sine erfaringar.
Praksis med rettleiing
Deltakarane kjem til å få god oppfølgjing av leiarane av MILK-kurset. Saman skal dei verte samde om kor deltakarane skal ha sin "ungdomsleiarpraksis". Det kan vere i søndagsskule, klubb, speidar, Lys Våken, Tårnagentar, etc. Talet på praksistimar vil kome på avslutningsdiplomen for kurset.
Avslutning og kursbevis
Når kurset er gjennomført, vil deltakarene få utdelt eit kursbevis. Dette kjem til å skje under ei høgtidleg markering i kyrkjelydane. Eit slikt bevis er godt å ha når du eventuelt skal søkje på sommarjobbar eller andre ting.
Greit å vite
- Før du melder deg på, er det viktig at du tenkjer igjennom om du har tid og lyst til å vere med på eit slikt opplegg. Med andre ord, spør deg sjølv om kor motivert du er for å bli med.
- Kursbeviset du får kan vere smart å ha på ein CV når du seinare skal søkje jobb. Om du ønskjer det, kan kursleiarane stille opp som referanseperson for deg.