Kva er ei gudsteneste?
Gudstenesta er den viktigaste møtestaden for kristne. Den er staden der dei kristne vert synlege som ein kyrkjelyd; eit fellesskap av menneske som deler trua på Gud, og Jesu Kristi oppstoda. Den er ein stad der menneske møter kvarandre, og saman trer fram for Gud.
Kva skjer i gudstenesta?
Alle kyrkjelydar i Den norske kyrkja har laga sine eigne grunnordningar for korleis gudstenestefeiringa skal vera hjå dei. Alle byggjar på dei same sentrale elementa: Samling, Ordet, Forbøn, Nattverd og Sending. Den lokale kyrkja kan avgjere ein del ting sjølv, t.d. kva type musikk dei ynskjer å bruke og kva versjon av Herrens bøn skal brukast. Andre ting er felles for alle kyrkjelydar i Den norske kyrkja. Nederst på denne sida kan du laste ned liturgiheftet som vert delt ut til kyrkjelyden kvar sundag.