Tidspunkt for pynting må ein avtala med kyrkjetenaren, men det er som regel berre høve til å pynta éin time før seremonien. Dersom det er fleire bryllup same dag, kan det vere knapp tid til å pynta mellom seremoniane. Då bør brudepara snakka med kvarandre på førehand og bli samde om felles pynting. Kyrkjekontoret kan fortelja deg om det er fleire bryllup på same dag i same kyrkje.
Fotografering og videopptak
Det er vanleg at paret spør nokon om å ta ansvar for fotograferinga. Gode bilete ynskjer ein sjølvsagt frå det som skjer i kyrkja. Stadig fleire ynskjer også videopptak av seremonien.
Fotograf/videograf må ta kontakt med presten i sakristiet cirka ein halvtime før bryllupet. Presten vil kunne gje gode råd og tips om plassering, og informere om dei retningslinjene som gjeld for fotografering i kyrkja. Det er ikkje er lov å stå bakom presten eller innanfor altarringen.