Fellesrådet har heile tida vore i tett kontakt med kriseleiinga i Alver kommune. Opphavleg vart det satt eit tak på 10 personar i gravferder. Etter ei ny vurdering er dette auka til 25. Dette er strengt, men må følgjast.
Det er mogleg å halde gravferd sjølv om kyrkjene i Alver i utgangspunktet no er stengde. Det er likevel kun den aller nærmaste familien som kan vera til stades og det vart òg satt i verk tiltak for å minska smittefaren.
"Dei som vert ramma av desse restriksjonane kan vurdera om dei vil halda minnestund for den døde på eit seinare tidspunkt. Det er viktig at ein får moglegheit til å samlast og sørga saman seinare, når ikkje faren for smitte er så stor som no," seier kyrkjeverje i Alver John Fredrik Wallace.