Kyrkja vart vigsla til bruk 20. november 1890, og var teikna av Karl Askeland, som òg fungerte som byggmeister. Altartavla er av ein ukjend kunstnar, og framstiller Kristus som oppstår frå dei daude. Det er rundt 250 sitjeplassar i kyrkja, og lyden samlast til gudsteneste som oftast ein gong i månaden.
Dei ulike namna på kyrkja blir ofte brukt om einannan, og av og til kan det henda at nokon kranglar om det skal vera Hålandsdal eller Hålandsdalen. Sjølve kyrkja ligg på Eidesleite, difor det tredje namnet. Bogen utanfor seier "Haalandsdalens Kirke", medan fleire graveringar inne i kyrkja omtalar den som "Hålandsdal kyrkja". Her på sida nyttar me elles gjennomgåande namnet "Hålandsdalen kyrkje".
Det er éin kyrkjegard tilknytt kyrkja - Hålandsdalen kyrkjegard, som ligg på begge sider av bygget.