Ho vart bygd som gravkapell i 1956, og vart seinare utvida til eit fullt kapell i 1961. Arkitekten var Anders Nordtvedt. Her er det plass til omkring 100 personar, og kapellet er elles utstyrt med både orgel og altar, samt eige bårehus utanfor. Utanfor kapellet ligg Sævareid kyrkjegard.
Det er ikkje noko altartavle i Sævareid, og det er elles sparsomt med kunst. Krossen som heng bak altarringen er det som trekk fokuset. I Sævareid blir det halde gudsteneste rundt ein gong i månaden.
Før samanslåinga av Fusa, Hålandsdalen, Strandvik og Sundvor sokn til Fusa sokn, høyrte Sævareid til Sundvor. No er det ein eigen kyrkjekrins, men konfirmasjonar for Sævareid-folket hender vanlegvis i Sundvor kyrkje.