Møte mellom kvinner er ei årleg lunsjsamling på bedehuset, der kvinner i alle aldrar kan koma for ei sosial og hyggjeleg stund, der flinke herrar står for matlaging og servering. Nytt av året er at heile Bjørnafjorden kommune vert inviterte til samlinga.
I år vert det tale ved Ruth Rogers frå England, og "Ladan" frå Iran. Saman skal dei ta oss med inn i røyndomen til kvinner i Iran, og utfordringane dei står overfor - men dei vil òg fortelja om kvinner som har fått liva sine forandra gjennom møte med og tru på Jesus. Det vert òg innslag frå Fusa Soul Children.
Alle jenter og kvinner er varmt velkomne! Om du vil vera med: Påmelding til post.fusa@kyrkja.no eller til Bodil Samnøy (916 93 226), snarast råd!