Alle er viktige i arbeidet med å byggja levande fellesskap i kyrkjelyden. Av og til må me stoppa opp og spørja: Kvar går vegen vidare? Kva vil me skapa for born og unge, vaksne og eldre? Kva skal me satsa på av møter og samlingar i tida som kjem?
No kan du vera med på å prega arbeidet.
Me inviterer til inspirasjonssamling på Eikelandsosen bedehus, torsdag 23. mai, klokka 19:00. Vår visjon er at mange i Fusa skal verta velsigna gjennom det me gjer, og at kyrkjene og bedehusa skal skapa ein forskjell i nærområdet. Sokneprest Einar Ekerhovd vil her dela sine tankar om kyrkja, og det vil vera god tid til drøfting og innspel frå den enkelte. Me ynskjer å involvera fleire i kyrkjelyden og saman skapa vegen framover.
Ver med oss på vandringa framover! Eikelandsosen bedehus, torsdag 23. mai, 19:00.