Mange av tinga på trusopplæringsplanen i Fusa er ting du berre får oppleva ein gong, eller som kun er ope for bornet i eitt år av livet deira. Men me har òg faste grupper med ulike mål, som er tilrettelagde for ulike interessefelt.
I Fusa kyrkje har me sundagsskule på annakvar gudsteneste, der borna vert samla i eit eige rom, og får undervising om Bibelen som er meir tilpassa dei enn preika er. Dette går over omtrent halve gudstenesta, og dei slepp ut i god tid til kyrkjekaffi etter.
Me har òg ulike korgrupper, som du kan lesa meir om på korsida vår. Kora strekk seg frå barnehagealder og heilt ut i vidaregåande, og to av desse kora har òg eigne dansegrupper.
Friluftsklubben Noah er eit tilbod for gutar mellom 5. og 8. klasse, som samlast på fredagar og har mange typar aktivitetar ute i det fri. Om du ynskjer meir informasjon om gruppa, eller å melda deg på, kan du ta kontakt med Ernst Ove Indrebø på telefon 414 51 801.
For tweens (5.-8. klasse) har me òg KLUBBEN, som du kan lesa meir om på ungdomssida. KLUBBEN er open aktivitetsklubb som held til på Eikelandsosen bedehus.