Kyrkjeleg fellesråd hadde befaring på alle dei åtte kyrkjegardane i Herøy i byrjinga av juni. Eit av dei momenta som fellesrådet merka seg, var at det var tungvint for dei som skulle vatne på kyrkjegarden ved Herøy gard, på øya Herøy. Kyrkjegarden er fortsatt i bruk, men der er også mange svært gamle gravminne der, i tillegg til den gamle kyrkjetufta frå om lag 1150 + den nyare kyrjetufta frå 1859.
No har Herøy kyrkjelege fellesråd si avdeling Anlegg, ordna dette. Kyrkjegarden har fått tilgjengeleg vatn ved porten ned mot kaia. Anleggsavdelinga har også rydda og stelt kyrkjegarden og ynskjer god sommar til alle!
Foto: Sven Torvik
Kyrkjegarden på øya Herøy har fått vatn
