Dagens bibelord
Nehemja 9,12–17
Dagens bibelord 03.04.2025
12 I ei skysøyle førte du dei om dagen
og i ei eldsøyle om natta;
ho lyste opp vegen dei skulle gå.
13 Du steig ned på Sinai-fjellet
og tala til dei frå himmelen.
Du gav dei rette ordningar,
sanne lover,
gode forskrifter og bod.
14 Din heilage sabbat kunngjorde du,
bod, forskrifter og lov gav du dei
gjennom Moses, tenaren din.
15 Brød frå himmelen gav du dei
mot hungeren,
og vatn lét du strøyma frå berget
mot tørsten.
Du baud dei dra inn
og ta landet i eige,
det som du med lyft hand
hadde lova dei.
16 Men dei var hovmodige og stivnakka,
fedrane våre,
dei høyrde ikkje på dine bod.
17 Dei nekta å høyra
og hugsa ikkje dine under
som du hadde gjort for dei.
Dei var stivnakka
og tok seg ein leiar
for å venda attende til slaveriet i Egypt.
Men du er ein Gud som tilgjev,
du er nådig og mild,
sein til vreide og rik på miskunn,
og du forlét dei ikkje.
Kilde: www.bibel.no