Tårnagentar finst over heile landet og er nokon som utforskar kyrkja frå alle kantar. .Vil du vere med å løyse oppdrag og mysteriar i kyrkjerommet og klatre opp i støpulen på Borgund? Ein støpul er eit tårn attmed kyrkja, der kyrkjeklokkane heng. Me skal leite etter symbol og kyrkjeskattar. Alle tårnagentane får med seg eit agentbevis. Agentmøtet startar kl. 13.00 i Borgund kyrkje og held fram til tårnagentgudstenesta, som byrjar klokka 16.00. Mellom samlingane vert det servert agentlunsj. Me håpar du har lyst til å vere ein slik agent! Føresette, sysken, faddrar og vener er òg hjarteleg velkomne til gudstenesta klokka 16.00.
Har du lyst å vere med kan du sende påmelding til Karoline Thyri på sms 97 79 07 71.