Det var Hermine Abel Meisdalshagen og Jenny Hovi Lauvhaug som vart døypt - i vatnet frå Olavskjelda attmed Leirin. Håvard og Sigrid bidrog med tekstlesing - og Jenny Kristine Hole var klokkar - med god uterøyst - denne dagen.
Prest Jostein preika over teksta om kvinna som hadde vorte gripe i eksteskapsbrot. Han la merke til at Jesus var roleg då han svara: "Den av dykk som er utan synd, kan kaste den første steinen". Og han slo eit slag for å roe oss ned, og telje til ti. Kanskje vi då kan sjå meir miskunnsamt på kvarandre?
Kyrkjeorgelet vart erstatta av trompet, traktert av Bjørn Magne Nyhagen. Kantor Monica, Helle Nyhagen og Knut Ove Hennum spelte på handklokkespel.
Etter gudstenesta var det mange som hadde god tid til å kose seg med kaffi og kake - og ein god prat med kjentsfolk.
Tusen takk til soknerådet i Skrautvål, som skipa til denne minneverdige dagen på Kyrkjesletta på Dalen!
Sjå filmsnutt frå gudstenesta her!