Treff
Det sit mange menneske i kommunen vår åleine i husa eller leilegheitene sine, utan så mykje tiltak for å gjere noko på eigen hand. Ein formiddag i månaden inviterer vi til Treff i Foldnes kyrkje – ein stad der ein kan koma akkurat som ein er, byggje nye relasjonar og oppdage at ein ikkje er åleine. Treff er ein møteplass med god tid til samtale, der fellesskap og nærvær står i sentrum. Det vert alltid servert god mat, halden ei andakt og sunge mykje saman.
Mange seier ofte: "Her er det godt å vera. Nokon ser oss, snakkar med oss og viser at me er menneske det er verdt å vera saman med."
Heimebesøk og samtalar
Ein av dei mange oppgåvene våre som diakonar er å gjere heimebesøk, og vitje LMS, bu- og servicesenter og sjukeheimar. Fleire gonger er det helsevesenet i kommunen som tek kontakt og spør om me kan møte enkeltpersonar. Andre gonger tek folk sjølve kontakt for samtalar eller ber oss koma heim til seg. Alt me gjer, er heilt gratis.
Ei kvinne som har fått heimebesøk over lengre tid, svarte slik på spørsmålet: "Kva betyr heimebesøk for deg?"
