Kontakt med Øygarden kyrkjekontor om gravferd (uavhengig av tru og livssyn)
Når nokon døyr og ein ønskjer gravferd i Øygarden, kan pårørande sjølv ta kontakt med Øygarden kyrkjekontor på telefon 400 03 316, for å avtale tidpunkt for gravferd. Dersom ein ikkje ønskjer å avtale dette sjølv, kan ein be gravferdsbyrået om å avtale gravferd etter dykkar ønskje.
Hovudreglar for tidspunkt for gravferd
Det kan gå 10 virkedagar, det vil seie 10 arbeidsdagar, frå nokon døyr til det må vere gravferd. Dersom det skulle vere vanskeleg å få gravferda innan 10 dagar, kan ein søkje skriftleg til kyrkjeverja i Øygarden. I følgje Gravferdslova §13, må det leggjast fram tungtvegande grunnar for at ein skal gå utover dei 10 virkedagane.
Vi har faste gravferdsdagar, som også gjeld dersom ein ikkje skal ha kyrkjeleg seremoni.
Gravferdsdagar i Sund kyrkje og Kausland kyrkje
Tysdag kl. 10.30 og 13.00.
Fredag kl. 10.30
Gravferdsdagar i Fjell kyrkje - Er under renovering og er stengt for gravferder
Tysdag og fredag kl. 10.30 og 13.00.
Torsdag kl. 13.00.
Fredag 10.30 og 13.00
Gravferdsdagar i Foldnes kyrkje
Tysdag og fredag kl. 10.30 og 13.00 (kl. 13.00 berre når det ikkje er konfirmasjonsundervsining).
Onsdag kl 10.30.
Torsdag kl. 13.00.
Fredag 10.30 og 13.00
Gravferdsdagar i Landro kyrkje
Tysdag og fredag kl. 10.30 og 13.00 (kl. 13.00 berre når det ikkje er konfirmasjonsundervsining).
Torsdag kl. 13.00.
Fredag 10.30 og 13.00
Gravferdsdagar i Blomvåg kyrkje og Hjelme kyrkje
Onsdag kl. 10.30 og 13.00.
Fredag kl. 10.30.
Urnenedsetjing
Øygarden kyrkjekontor får beskjed om urner som skal setjast ned i Øygarden. Når urna er komen til Øygarden kyrkjekontor, tek vi kontakt med pårørande og avtaler tidspunkt for urnenedsetjing.
Dersom de ønskjer det, kan ein av våre prestar vere med på urnenedsetjinga. Det er fint om nokon av dei pårørande er med på gravplassen når urna skal setjast ned.
Vi sørgjer for at urna kjem til gravplassen, der ho skal setjast ned.
Minnesamvær etter gravferda
Dersom familien ønskjer det, kan ein ha minnesamvær i ei av våre kyrkjer etter gravferda. Ta kontakt med Øygarden kyrkjekontor for å avtale tidspunkt og kyrkje.