Her blir det gratis kaffi med smakfull bakst, det blir åresal og høve til å ta lodd på loddbøkene som har mange flotte gevinstar. Vi skal ha andakt og litt allsong, og det er eige barnelotteri (med gevinstgaranti).
Formålet med basaren i år er å samle inn midlar til ungdomsarbeidet i kyrkja. Sidan starten for over 40 år sidan, har det vore drive ungdomsklubb i Landro. Det begynte med Treffstaden i Solsvik, før kyrkja heldt fram arbeidet med det som no heiter Landroklubben. Det er ein møtestad for ungdom frå 8. klasse og oppover. Vi samlast ca.annankvar fredag til kjekke aktivitetar, andakt, god mat og prat. Det er ei flott ressursgruppe av frivillige som saman med ungdomsarbeidar held i trådane. Det er alltid behov for både oppgradering av utstyr og ønske om å kunne finne på kjekke aktivitetar saman med ungdommane. Derfor ønskjer vi å samle inn midlar til dette i år.
Set av ettermiddagen og få med deg basaren i Landro kyrkje, du er hjarteleg velkommen!