Frå 1. januar 2025 valde soknerådet å knytta misjonsprosjektet sitt til Kamerun der NMS har samarbeid med Den Evangelisk-lutherske kyrkja i Kamerun (EELC). NMS støttar kyrkja på fleire ulike område, t.d. undervisning av døve, radiostasjonen Evangeliets Røst, presteskule og bibelskular.
Kyrkjelyden i Landro ønskjer å spissa si støtte til det som heiter Sør-Sør-Misjon Kamerun -Mali. EELC har i fleire år sendt misjonærar til Mali og har f.t. to misjonærektepar i teneste i MELM (Den evangelisk-luthersk misjon i Mali). Direktøren i MELM, Magadji Joseph, kjem også frå Kamerun. Dei kamerunske misjonærane arbeider innanfor evangelisering og kyrkjelydsbyggjande arbeid. Dei gjev trusopplæring til nye kristne og legg til rette for kristne fellesskap mellom fulanitalande.
NMS bidreg til å finansiera kyrkja i Kamerun sin misjonsinnsats i Mali gjennom misjonærutsending og anna støtte til arbeidet der.
Frå 1. januar 2025 er dette Landro kyrkjelyd sitt misjonsprosjekt, gjennom bøn og økonomisk støtte!