Bryllaup i Sula kyrkjelyd
Bryllaup er ein fest for kjærleiken. To menneske lovar å elske og ære kvarandre, og å halde saman i gode og onde dagar livet ut.
![](/globalassets/fellesrad/sula/engagement-gold-jewellery-6165.jpg?width=323&height=174&quality=80&contId=3263882)
![](/globalassets/fellesrad/sula/blurred-background-bouquet-bridal-948185.jpg?width=323&height=174&quality=80&contId=3263881)
![](/globalassets/fellesrad/sula/beautiful-blur-bridal-256737.jpg?width=667&height=396&quality=80&contId=3263885)
Eit bryllaup i kyrkja kan vere enkelt eller påkosta. Å inngå ekteskap er ei offentleg handling. Brudefolka kan vere unge eller godt vaksne. Den norske kyrkja tilbyr kyrkjeleg vigsel til alle par som ynskjer dette. Kyrkjemøtet vedtok i 2017 ein ny liturgi, som kan nyttast både av likekjønna og ulikekjønna par.
Dei som blir vigde kan feire dagen med familie, slekt og venner - eller dei kan seie ja til kvarandre med berre prest og forlovarar til stades. Stort eller lite bryllaup – i kyrkja vert livet lagt fram for Gud med bøn om velsigning. Par som har gifta seg borgarleg er også velkomne til kyrkja for å be om forbøn for samlivet.