Krigen i Gaza og Ukraina har prega nyheitene lenge. Samtidig går det føre seg ei rekke store humanitære kriser som vi knapt høyrer om, som t.d. krigen i Sudan. På toppen av det kan vi no sjå dramatiske kutt i bistanden til verda sine fattige frå den største bidragsytaren av dei alle, USA.
Det er lett å bli motlaus. Men det er nettopp i desse dagane vi må samle alle gode krefter og gjere kva vi kan for dei mest sårbare. Gjennom Fasteaksjonen samlar vi inn pengar til dette livsviktige arbeidet. Det gjer det mogleg for Kirkens Nødhjelp å vere til stades for millionar av menneske i akutt naud.
Gudstenesta kl.11.00 i Førde kyrkje vil ha fokus på Fasteaksjonen. Etter kyrkjekaffi på kyrkjetunet vil konfirmantane gå rundt med bøsser. Ta godt imot dei som kjem på døra di!
Om du ikkje er heime når bøsseberarane kjem eller ikkje har kontantar heime, kan du Vippse til 2426 eller gi på nettsida fasteaksjonen.no