”Dette er mitt!!”

19.12.2024

I år blir det slik: Berre dei med brune auge får lov til å gå rundt juletreet og opne alle gåvene under! Dumt, ikkje sant?  Me menneska er raske til å gjere forskjell på kvarandre.  Noreg for nordmenn, Palestina for palestinarar og Israel skal visst vere ein jødisk stat… Det er sagt at den første røvaren i verda var han som sette opp eit gjerde og sa:  ”Dette er mitt!”

Les mer

Opningstid på kyrkjekontora i jula

17.12.2024

Vi ønskjer alle gledeleg jul og velkomen i kyrkja! Kyrkjekontora i Gaular, Jølster og Naustdal er stengd i romjula. Kyrkjekontoret i Førde ope 23.12 kl.09.00-14.30, 27.12 kl.09.00-13.00 og 30.12 kl.09.00-13.00. Julaftan og nyttårsaftan er kyrkjekontoret stengt.

Les mer

Myldrekyrkje på Sande

2.5.2024

«Myldrekyrkje» er eit nytt gudstenestetilbod på Sande – og det ligg i namnet at her er det låg terskel for å myldre saman.  Det gjer ingenting om små barn spring rundt og er litt på og av.  Det er rom for prat, både om dagens tema, men også berre i det å kome saman!  Neste myldregudsteneste blir søndag 24. november kl. 11.00.

Les mer

KRAFT - prosjekt Ung

15.8.2024

Kraft er eit nystarta felleskap i regi av Førde kyrkje for unge i alderen 15 år og oppover til og med unge vaksne. Følg kontoen vår på Instagram: @kraft.ung og på Kirkesnappen for info om det som skjer. 

Les mer

Barselkafe med litt song

26.2.2024

Barseltreff er eit tilbod for dei minste borna saman med foreldre der vi legg vekt på sosialt samvær og moglegheit for litt babysong ilag. Vi samlast annakvar torsdag i skuleåret. Opningstida er frå 13.00-14.30, men ein stoggar så lenge det passar.   Vi stiller med kaffi og te og noko å bite i. Difor er det 30 kr i Vipps (Babysong i Gaular #513486) for kvar gong og påmelding seinast kl. 12.00 same dagen til Ragnhild Stav: (mob) 90967627. 

Les mer

Tysdagskafé på Sande

26.7.2021

Gaular Frivilligsentral og Kyrkja i Gaular startar opp igjen med Tysdagskafé på kyrkjelydshuset tysdag 16. august. Tilbodet skal vere for alle på Sande. Det er gode parkeringsmoglegheiter, kort veg frå sjukeheimen, rullestolvennleg, og barnevognvennleg. Velkomen!

Les mer

Samtalegruppe – for deg som har mista ein som stod deg nær

5.2.2024

Sorggruppe er eit tilbod til deg som har mista ein nærståande. Støttegruppa vil vere ein stad der du kan dele tankar og erfaringar med andre som opplever liknande situasjon. Ein stad der sorg og sakn kan få plass – men også håp og livsmot. Oppstart 17. oktober. Påmelding innan 14. oktober.

Les mer

Sorg kan ha mange ansikt

2.5.2024

Det finst kjærleikssorg, sorg for eit havarert samliv, sorg over helseproblem, over at ein må flytte eller er utan arbeid, at ein mistar eit kjæledyr – lista er lang. I denne artikkelen som først vart publisert i Kyrkjebladet for Gaular er det sorgen over å miste ein person som har betydd mykje for ein vi vil fokusere på. Sorg kan kjennes som ein knekk i livet som ein ikkje alltid ser korleis ein skal reise seg frå. Men det går an – slik bjørka på bilete minner oss om. Men spora vil alltid vere der. Som arr etter sår. Etter ei tid kan ein kanskje berøre såret og arret utan at det byrjar å blø kvar gong?

Les mer

Orgelet i Viksdalen kyrkje fyller 100 år!

24.10.2022

I høve orgeljubileet i 2023 ynskjer ein å få realisert planane om restaurering og utviding av orgelet med ei 4 fot prinzipal-stemme. Prosjektet har kostnadsramme på kr. 207.000.- eks. mva. Innsamling starta i 1993. Totalt inkomt beløp: kr. 120.000,-. Kr. 87.000,- gjenstår å samle inn. Vi oppfordrar lag, organisasjonar og enkeltpersonar i heile soknet om å bidra med gåver til arbeidet. Bankkontonr. 3705.40.68353 (merk betaling med "orgel Viksdalen") eller Vipps #768919 kan nyttast ved innbetaling.

Les mer

Blomefond - gje ei gåve til kyrkjestadene i Gaular

24.11.2023

Gåva vil bli brukt til å gjere det finare i kyrkja eller ved gravplassen utanom det som er vanleg drift og vedlikehald. Gåva kan ikkje nyttast til enkeltgraver. Betal med Vipps eller kontonr. 3705.40.68353. (Merk med «Blomefond» og kyrkjestad ved betaling til kontonummer)

Les mer

Konfirmasjonsdatoar i Gaular 2025:

3.5.2024

Viksdalen 24. august, Bygstad 31. august, Sande 07. september. I løpet av mai vil vi sende ut brev om påmelding til nye konfirmantar - det kjem i posten.

Les mer

Sande kyrkjelydshus

24.9.2020

Kyrkjelydshuset står ved sida av Sande kyrkje. Her er god plass til mange slags arrangement. Vi har wifi, lydannlegg, prosjektor og skjerm. Kjøkkenet er nytt, stort og velutstyrt. Flygelet kan du òg bruke mot eit tillegg i prisen.

Les mer

Dagens bibelord

7.10.2019

Her finn du kvar dag nye tekstar frå Bibelen, til inspirasjon og glede, eller berre for ein liten pause i kvardagen.

Les mer