Sundag 20.september vart ein stor dag markert i Førde kyrkje. Biskop Halvor Nordhaug var til stades saman med representantar frå alle sokna i Sunnfjord prosti og andre inviterte til ei festgudsteneste klokka 16.00 og påfylgjande kyrkjekaffi.
Vi var samla for å takke av prost Reidar Knapstad for lang og trufast teneste som prost i Sunnfjord, og for å ynskje velkomen Knut Magne Nesse som vår nye prost.
Gudstenesta vart lyfta opp av flott korsong og musikk frå Førde Kyrkjekor og kantor Gro Gunnarson, og med ei særs songfør forsamling vart det verkeleg ei feiring av takksemd og glede.
Knut Magne skal halde fram med å bu i Florø, og Reidar vil framleis gjere teneste som vikarprest i Sunnfjord. Vi takkar Reidar Knapstad, og ynskjer Knut Magne Nesse velkomen.
Ingvald Andersen Frøyen
Sokneprest i Førde, Holsen og Haukedalen
Dele-knapper kan ikke vises uten at du samtykker til bruk av funksjonelle cookies. For å gjøre dette må du trykke på knappen helt nederst i venstre hjørne og marker sjekkboks for funksjonelle cookies og deretter klikke på \"Oppdater samtykke\". Evt. klikk på \"Godta alle cookies\" for å godta alle kategorier av cookies. Deretter må du laste siden på nytt.
