Åhtsåp guojmmevájaldiddjev gen la julevsáme giella- ja kultuvrramáhtudahka. Bargojda gulluji ienemusát tjoaggulvisá diakonála bargo.
Bájke tjoaggulvisá ja barggij siegen galggá bargge aj tjuovvolit Duohtavuoda- ja såbadimkommisjåvnå oajvvadusájt ma åvddån biejaduvvi jagen 2023.
Guojmmevájaldiddje sjaddá duodden ressurssan Oarjje-Hålogalátte bissmaguovlo bargguj julevsáme girkkoiellemav åvddånahtátjit.
Jus sidá ienebut diehtet mij diakonijja l, gehtja: www.diakonforbundet.no
Bargo
- Jådedit tjoaggulvisáj diakonála bargov guovtegielak ja guovtekultuvrak Hábmerin
- Dåjmalattjat oassálasstet tjoaggulvisáj fágajgasskasasj åvddånimbargguj man ulmme l julevsáme gielav, kultuvrav ja identitiehtav nannit.
Máhtudagáj gájbbádusá:
- Sihtap åhttsev guhti l diakåvnnån låhkåm, jali gænna l ietjá hiebalgis åhpadus, buorak jus la alep oahppo.
- Julevsáme giella- ja kultuvrramáhtudahka viek dættoduvvá.
- Åhttse ietjá hiebalgis oahpojn, valla gænna ij la diakonijjafágalasj máhtudahka, árvustaláduvvá jus sihtá maŋŋela diakonijjafágalasj åhpadimev gadtsat. Barggovadde de praktihkalattjat ja rudáj baktu dasi dilev láhtjá.
Gåktu la dån
- Buoragit iehtjádij siegen barga ja la massjkis barggij ja luojvoj barggij vuoksjuj.
- Iesj bierggi ja barggá.
- Ulmutja duon dán iellemdilen dunji luohtedi ja buoragit sijáj guládalá.
- Duv luonndo hiehpá ja buvtá identifisierit girkko dahkamusáj ja ulmij.
Guhti virggáj biejaduvvá galggá Vuona girkko sebrulasj ja åvddån biedjat dågålasj politijjaduodastusáv (mánáj huvso duodastusáv).
Dujna l ietjat bijlla. Barggoájgge vehi målssu, muhttijn sjatta iehkedijt ja ájllegijt barggat. Bálkká ja virggebiedjam tjuovvu doajmme lágajt ja njuolgadusájt ja KA:a tariffasjiehtadusájt. Pensjåvnnåsjiehtadus KLP:an. Virggáj álgá nav jåhtelit gå vejulasj ja sjiehtadip goassa.
Jus sidá virge birra ienebut diehtet, de gatjáda: HR-jådediddjes Kurt Solstrøm, tlf 91668877 jali julevsáme guovlo girkkohærrás Rolf Steffensen tlf. 90729317.
Åhtsåmájggemierre: javllamáno 4. biejve 2022
Åhtsåmus aktan CV, oahppoduodastus ja duodastusá diehki sáddiduvvá:
Divtasvuona ja Hábmera tjoaggulvisráde
Vestfjordveien 1455, 8294 Hamarøy
Jali e-poasstan diehki: post.thm@kirken.no