Dramatisk haust for kyrkja

Martin Luther har hovudrolla når kyrkja viser fram ei rekke teaterframsyningar denne hausten.

Denne hausten kan alle kyrjelydane i Norge setje opp ei teaterframsyning med Martin Luther i hovudrolla. Nåde, myndiggjering og livsmeistring er tema kyrkja ynskjer å utforske saman med barn og unge gjennom prosjektet «Forestillinger om nåde». Kyrkjerådet har, i samarbeid med Norsk Scenekunstbruk, tildelt midlar til utvikling av framsyningane.

Ei av framsyningane er Martin, skrive av dramatikar Maria Tryti Vennerød. Stykket har premiere i Tøyenkyrkja tysdag 30. mai. 

- Eg har vore oppteken av at nådebegrepet er knytta til arvesynd. At vi skal vere fødd med synd før vi har gjort noko som helst, er ein problematisk tanke. Då eg gjekk inn i materialet med mitt eige liv som referanse, opplevde eg at den synden det var snakk om og som ingen kjem unna, det er vissa om at vi skal dø og den dødsangsten det medfører. Eg tenker at den angsten vi har i oss enten vi kjenner veldig på det eller det ligger litt lenger ned, er roten til alt ondt, seier Tryti Vennerød til Vårt Land.

Dei seks framsyningane som kyrkjelydane i Den norske kyrkja kan vise fram, er: Martin av Blendwerk, Korfor er det så mørkt her av Happy Monks, Lille-Lene av Kirketeatret i Fredrikstad/Thor Rummelhoff, Størst av alt av Inamarata Dance Company, Barnas bål av Arctic Rose Production og Jakob - veien hjem er lang av Helga Samset/Fortelleriet.