Olav Fykse Tveit er preses, ledende biskop, i Den norske kyrkja. Under Oslo Pride skriv han i en kronikk på NRK.no om årets pride-markeringar og kvifor han sjølv skal gå i årets pride-parade.
Les heile kronikken på NRK Ytring her.
Ei tid for å samlast og ta vare på kvarandre
– Årets pride-markeringar er ei tid for å samlast, ei tid for å ta vare på kvarandre. Vi feirar og gler oss over mangfaldet.
Preses fortsett: – Det er eit spesielt alvor over markeringane i år, eitt år etter terroren i Oslo som var retta spesielt mot menneske med LHBTQ+-identitet. Det er også ei sterk bølgje av polarisering og motvilje mot skeive i ulike deler av verda, i aust og vest, i sør og nord.
Uviljen mot skeive blir brukt som motivasjon for vald, forklarar han. Uviljen finst i nye lover som ekskluderer, diskriminerer og kriminaliserer skeive.
Skal gå i paraden
Med dette som bakteppe skriv preses at det er særleg grunn til å håpe at mange vil delta på årets markering.
Preses Olav Fykse Tveit skal sjølv gå i paraden i Oslo 1. juli.
– Det er særleg for å uttrykkje solidaritet med alle som har kjent seg utrygge etter hendingane 25. juni i fjor. Det som då skjedde, skaka oss alle, og vi har vorte endå meir skjelvne når vi har høyrt kor mykje meir gale det kunne gått.
Preses skriv i kronikken at han også vil gå i paraden for å uttrykkje erkjennelsen av at han og kyrkja som han leier, har påført skeive sår og skam.
Kan ikkje ta for gitt å vere velkomen til å delta i pride
– Vi ser at vår kristne religion framleis vert misbrukt til å legitimere diskriminering og ekskludering. Religiøse motiv av ulike slag vert brukt for å fremme vald mot skeive.
Han understrekar at ein ikkje kan ta for gitt at kyrkja sine representanter er velkommen til å delta i pride.
– At vi likevel blir ønskt velkomen til å delta, er eit tydeleg teikn på romslegheit, og på styrke og mot frå deira side. Dei viser også korleis ein kan skape trygge rom, der alle er inkludert og respektert.